A mund të kurseni vërtet para në qira nëse zhvendoseni në një banesë më të vogël në Zvicër?

(KEYSTONE/Christian Beutler)

Ndërsa qiratë më të larta hynë në fuqi për shumë qiramarrës zviceranë nga tetori, ju mund të pyesni veten nëse “zvogëlimi” i banesave tuaja mund t’ju kursejë para por nuk është aq e thjeshtë sa kaq, sipas TheLocal.

Situata në tregun zviceran të banesave është e tmerrshme, me mungesa dhe faktorë të tjerë që rrisin qiratë.

Konsulenti i pasurive të paluajtshme CIFI gjurmoi evolucionin e çmimeve të banesave gjatë dy dekadave të fundit dhe zbuloi se gjatë kësaj periudhe qiratë u rritën me 30 për qind, ndërsa pagat u rritën vetëm me 24 për qind.

Sipas CIFI, kostoja e banesave reflekton të ardhura të larta teksa kjo e fundit çon në rritjen e kërkesës për hapësirë banimi. Në Zvicër, hapësira mesatare e jetesës për person u rrit nga 44 metra katrorë mesatarisht në vitin 2000 në 46 metra katrorë në vitin 2020, shkruan albinfo.ch.

Eksperimenti i Cyrihut

Qyteti më i madh i Zvicrës ka qenë në grahmat e mungesës së banesave për një kohë të gjatë.

Tani një ndërtim me 148 njësi i quajtur Accu, i cili ndodhet në lagjen Oerlikon, po inkurajon njerëzit që nuk kanë më nevojë për strehim të madh për t’u zhvendosur në banesa më të vogla dhe më të lira brenda së njëjtës pronë, duke lënë apartamentet e tyre për familjet që kanë nevojë për më shumë hapësirë.

“Për shumë qiramarrës, apartamenti i tyre aktual është shumë i madh për shkak të nevojave të tyre në ndryshim,” sipas zëdhënësit Andreas Kern. “Pse këta njerëz nuk lëvizin në apartamente më të vogla nëse nuk kanë më nevojë për të gjitha dhomat?”

“Kushdo që ndërron apartamente mund të kursejë deri në 600 franga në qira në muaj. Me këtë projekt ne duam të japim një kontribut për të siguruar që apartamentet të përdoren mbi bazën e nevojave”, tha Kern.

Nëse jeni duke kërkuar për një apartament të ri, shanset janë që një banesë më e vogël të jetë më e lirë se një e madhe.

Sidoqoftë, kjo nuk është domosdoshmërisht e vërtetë nëse dëshironi të zvogëloni akomodimet tuaja aktuale – domethënë, të lëvizni nga një banesë e madhe në një banesë më të vogël.

Se a duhet të kaloni në një apartament më të vogël për të kursyer para, kjo varet nga rrethanat tuaja personale.