A doni të dobësoheni? Pini gjysmë litri ujë para buke!

Pirja e ujit para konsumimit te ushqimit është një dietë e thjeshtë që qarkullon prej kohësh në mes të personave laikë. Por tash kjo dietë ka marrë edhe mbështetjen e vet shkencore.

Ekipi i hulumtues nga universiteti i Birmingham-it i prirë nga Helen Parretti ka realizuar një studim që ka zgjatur 12 javë dhe në të cilin janë trajtuar 41 persona obezë (me peshë të tepërt). Siç shkruan revista specializuar “Obesity”, një pjese nga 41 të shëndoshët u është dhënë të pinë sasinë prej 5 decilitrash (gjysmë litri) ujë të thjeshtë ndërsa pjesës tjetër u është ndaluar kjo. Thjesht, këtyre u është thënë që të imagjinojnë se e kanë barkun plot (se janë të ngopur).

Vlerësimi i bërë në fund të eksperimentit ka treguar se ata që kanë pirë nga gjysmë litri ujë para vetëm njërës shujtë ditore, mesatarisht kanë humbur nga 1.3 kilogram më shumë se të tjerët që nuk kanë pirë. Ndërsa ata që kanë pirë sasinë e njëjtë të ujit para të tri shujtave (mëngjes, dreke,darkë) kanë humbur në 12 javë mesatarisht nga 4.3 kilogramë.

E gjithë kjo pa asnjë kufizim në ushqim dhe pa angazhim të veçantë fizik. E nëse kësaj diete u shtohen edhe ushtrimet fizike, rezultatet mund të paramendohen.