Bien investimet e huaja në Maqedoni

Investimet e huaja në Maqedoni kanë shënuar rënie. Kriza politike dhe problemet me sigurinë, sidomos pas ngjarjeve në Kumanovë, kanë zbehur interesimin e investitorëve të huaj. Siç thonë ekspertët, ngjarje të tilla gjithmonë prekin bizneset, shkruan Balkan News Agency, përcjell albinfo.ch.

Banka Qendrore e Maqedonisë njoftoi më parë se të dhënat zyrtare tregojnë se investimet e huaja në vend nga janari deri në qershor të vitit 2015 mezi arrijnë shifrën 121 milionë.

Të dhënat nga Banka Qendrore tregojnë gjithashtu se investimet e huaja në periudhën e parë të vitit arrijnë në 121 milionë euro, për 30% më pak se e njëjta periudhë e fundit në vitin 2014.

150 milionë euro kanë rezultuar të mbërrijnë investimet e huaja në Maqedoni nga janari deri në maj 2014.

Por është e rëndësishme të theksohet se shumat e investuara nga investitorët e huaj në Maqedoni, pavarësisht rënies, janë dukshëm më të larta se në vendet e tjera të rajonit të Ballkanit. Për shembull, në vitin 2014 ata ishin në vlerë 262 milionë euro, ndërsa 252 milionë më 2013.