Rekord divorcesh në Shqipëri

Sipas statistikave, 4. 240 divorce janë regjistruar gjatë 12 muajve të vitit 2014 në Republikën e Shqipërisë

foto ilustrim

Instituti i Statistikave në Shqipëri raporton për shënim rekord të numrit të divorceve gjatë vitit të kaluar. Sipas këtij instituti, 4. 240 divorce janë regjistruar gjatë 12 muajve të vitit 2014, ndërsa kryeqyteti Tirana prinë me numrin më të madh të shkurorëzimeve.

Por cilët janë faktorët që po i çojnë shqiptarët gjithmonë e më shumë drejt divorcit?

Në trend rritës së shkurorëzimeve është numri i femrave, ndërsa mosha predominuese e divorcit mbetet 25 – 40 vjeç.

Shumica e çifteve vijnë në dyert e gjykatës pasi kanë kaluar disa vite martesë dhe mes tyre ka edhe fëmijë. Kërkesa për divorc është një fenomen në rritje nga 2001, ku numëroheshin 9.6 divorce në 100 çifte në 17.8 divorce në 100 martesa, raportojnë mediet në Tiranë.