Gërvalla, në takim me ministrin grek: Pavarësia e Kosovës është fakt

Para pak minutash ka nisur takimi mes ministrit të Punëve të Jashtme të Greqisë, Nikos Dendias dhe ministres së Jashtme dhe Diasporës, Donika Gërvallës.

Theksohet se në takimin me ministrin e Jashtëm grek, Nikos Dendias, ministrja Donika Gërvalla ka deklaruar se Greqia është shtet fqinj i rëndësishëm në rajon, duke kërkuar që të ngrihet statusi i zyrës në Athinë nga një zyrë ekonomike në një të interesit.

“Pavarësia e Republikës së Kosovës është një fakt i pandryshueshëm dhe sa më shpejt të pranohet kjo. Riafirmojmë se me Greqinë dhe partnerët e tjerë do të vazhdojmë dialogun edhe rreth kësaj çështjeje”, ka thënë ajo.