Arsyet pse Microsoft eliminoi Windows 10X

Zyrtarisht, Microsoft konfirmoi se Windows 10X, versioni i shkurtuar i Windows 10, për pajisjet me dy ekrane, nuk do të prezantohet këtë vit, përcjell albinfo.ch.

Në fakt, nuk do të prezantohet fare, sepse kompania synon të integrojë disa prej veçorive të tij në sistemin operativ ekzistues, siç është tastiera virtuale.

Theksohet se kjo nuk përbën çudi, duke qenë se edhe vetë Windows 10X po zhvendosej në drejtim të pajisjeve me një ekran.

U duk se Microsoft po konkurronte laptopët Chrome OS, por në të vërtetë nuk kishte sens një version tjetër i Windows 10.

Kompania po përgatitet për lansimin e përditësimit të radhës së Windows 10, ku në fokus është stabiliteti, performanca dhe mbështetja për kamera Windows Hello.