Lajme
Rreziku i infektimit përmes dorezave të derës, më pak se 5 në 10.000 raste
Një studim i realizuar në SHBA tregon se sa i madh është rreziku i infektimit përmes dorezave të derës dhe objekteve tjera të ngjashme
Studiuesit amerikanë, me pjesëmarrjen e institutit kërkimor të ujit “Eawag” kanë ekzaminuar sipërfaqe të ndryshme objektesh në një qytet të SHBA për të hulumtuar materialin gjenetik të koronavirusit.
Megjithëse ata kanë gjetur gjurmë të virusit, rreziku i infektimit përmes sipërfaqeve të ndotura të objekteve ishte jashtëzakonisht i vogël, siç raporton revista e specializuar “Environmental Science and Technology Letters”.
Se sipërfaqet e përmendura nuk janë bartësit kryesorë të Sars-CoV-2 është treguar tashmë nga disa studime, por këto shpesh kryheshin në laboratorë, transmeton albinfo.ch. Ndërkaq ekipi me pjesëmarrjen e studiuesve të Eawag, së bashku me kolegët amerikanë dhe britanikë, tani e kanë bërë testimin me shembuj praktikë në qytetin Somerville në shtetin amerikan të Masaçusets, ku jetojnë rreth 80,000 njerëz.
Në pranverën e vitit 2020, ata kanë mbledhur rreth 350 shembuj të butonave për këmbësorët në semaforë, të dorezave të dyerve në dyqane, të kapakëve në kosha mbeturinash, të tastierave nga bankomatët dhe të gypave në pompat e benzinës. Si rezultat, ata kanë gjetur materialin gjenetik të koronavirusit në rreth tetë për qind të mostrave.
Por niveli i përqendrimit të virusit ishte aq i ulët sa studiuesit pothuajse nuk presin fare të ketë ndonjë virus infektiv, transmeton albinfo.ch. Prandaj, ata e vlerësojnë rrezikun e infektimit si të vogël: “Më pak se 5 nga 10,000 raste”, është shprehur në një deklarim për media, Timothy Julian nga instituti i kërkimit të ujit.
Megjithëkëtë, duke qenë se sipërfaqet e përmendura prekeshin deri në tridhjetë herë në orë nga njerëz të ndryshëm, rreziku nduk duhet të neglizhohet tërësisht. Sipas studiuesve, rreziku i infektimit përmes butonave, çelësave ose dorezave megjithatë ekziston, veçanërisht kur shumë njerëz janë bartës të virusit.
Për studimin, ekipi nuk ka mbledhur mostra nga pjatat ose tryezat në restorante, përcjell albinfo.ch. “Mundësia që dikush të kollitet ose të teshtinë mbi një tavolinë dhe ka pika me përqendrime të larta të virusit, është shumë më e madhe se sa me një buton ose me një dorezë të vetme të derës”, ka thënë Julian.
Të ngjashme
Të tjera nga Lajme
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri