Franca dhe Holanda, me ritmet më të ulëta të vaksinimit

Keystone 2020

Në shtetet e Bashkimit Evropian ka nisur imunizimi i popullsisë ndaj COIVID-19. Por procesi i vaksinimit në shtetet të ndryshme po funksionon me ritme të ndryshme.

Nga ana tjetër, Izraeli dhe Britania e Madhe janë shtetet, të cilat kanë administruar më mirë dhe më shpejt pjesën më të madhe të vaksinave.

Sipas të dhënave nga Euronews, Franca dhe Holanda renditen ndër shtetet më të ngadalta në procesin e vaksinimit, përcjell Albinfo.ch.

Në 21 dhjetor Agjencia Evropiane e Barnave miratoi vaksinën e ‘Pfizer’ dhe më 27 dhjetor nisi unanimisht procesi i vaksinimit. Brukseli ka arritur marrëveshje me shumë kompani dhe ka siguruar doza të mjaftueshme për të vaksinuar 450 milionë njerëz brenda bllokut.

EMA pritet të autorizojë përdorimin e vaksinës ‘Moderna’ më 6 janar.

Deri më tani, mes vendeve të BE-së, Danimarka ka nivelin më të lartë të vaksinimit. Më shumë se 45.800 nga 5.8 milionë banorë janë injektuar deri më 2 janar.

Edhe Gjermania ka shpërndarë pjesën më të madhe të dozave të vaksinës. Sipas Institutit Robert Kock, deri më 1 janar janë shpërndarë më shumë se 188.500 vaksina. Më pas renditen Kroacia dhe Portugalia, të cilat ndiqen nga Italia dhe Polonia, që aktualisht kanë norma prej rreth 0.13 doza vaksinimi për 100 banorë.

Italia, vendi më i prekur në Evropë deri më tani ka vaksinuar mbi 79.000 njerëz. Austria, Bullgaria dhe Rumania kanë një normë të ngjashme vaksinimi – 0,07 doza për 100 banorë.

Bukureshti ka shpërndarë 13.200 doza, Vjena 6.000 dhe Sofja 4.739. Estonia ka vaksinuar pak më pak se 2.500 njerëz. Athina dhe Helsinki kanë shpërndarë secila 3.001 dhe 1.767 doza vaksinash.

Qeveria e Francës është kritikuar për ritmin e ngadaltë të vaksinimit, me vetëm 352 nga 67 milionë banorë që morën dozën e parë deri më 31 dhjetor. Autoritetet kanë premtuar të përshpejtojnë ritmin. Dhe, në fund Holanda do të fillojë fushatën e saj të vaksinimit më 8 janar.