SHBA: 1.011 viktima nga COVID-19 brenda 24 orëve

Keystone

Shtetet e Bashkuara të Amerikës vazhdon të mbetet vendi me numrin më të lartë të rasteve të konfirmuara dhe të viktimave.

Vetëm gjatë 24 orëve të fundit kanë humbur jetën 1.011 persona nga COVID-19, duke e çuar numrin e viktimave në 140.200.

Të dhënat nga faqja e internetit “Worldometer” tregojnë se në 24 orët e fundit, janë shënuar edhe  71.117 raste të reja, duke e çuar numrin e përgjithshëm të të infektuarve në 3.619.633.

Ndërkaq, në mbarë vendin, deri më tani janë shëruar afër 1,65 milion të infektuar, ndërsa numri i personave të testuar ka arritur në mbi 44,8 milionë, transmeton Anadolu Agency, përcjell albinfo.ch.

New York-ut mbetet më i godituri në SHBA, me gjithsej 430.277 raste të konfirmuara dhe 32.495 viktima, përkundër regjistrimit të një rënieje në numrin e rasteve dhe të vdekurve.

Pas SHBA-së, numrin më të madh të të infektuarve e kanë regjistruar Brazili me 1.972.072 raste, India me 976.826 raste dhe Rusia me 752.797.