Lajme
Vuçiq: Serbia do ta vazhdojë fushatën e çnjohjeve
Serbia do ta vazhdojë fushatën e saj të çnjohjeve, ka thënë presidenti i Serbisë, Aleksandër Vuçiq, në një intervistë për “Foreign Policy”, gjatë qëndrimit të tij në Washington.
Në këtë intervistë, kreu i Serbisë ka folur rreth raporteve Serbi-Kosovë, raporteve të Serbisë me Kinën dhe Rusinë, si dhe oreksit të shtetit të tij për blerjen e sistemeve amerikane të armatimit.
Për “Foreign Policy”, ai ka folur edhe rreth hapave që do t’i ndërmarrë Serbia, kur është në pyetje Kosova.
“Shpresojmë që ata do t’i heqin tarifat dhe kjo do të ndodhë shkaku i presionit amerikan mbi ta. Në të kundërtën, ata nuk do t’i heqin kurrë ato”, ka thënë Vuçiqi.
Ai është shprehur se nuk e di se cila do të jetë forma përfundimtare e këtij procesi.
“Mezi po e pres krijimin e lidhjeve më të mira ekonomike, e atëherë do të fillojmë ta kuptojmë më mirë njëri-tjetrin”, ka thënë ai, teksa ka shtuar se nevojiten më shumë bisedime.
Me gjithë hapat e paralajmëruar nga Kurti për heqjen e tarifave, Vuçiq thotë se nuk do të përfundojë fushata serbe e çnjohjeve.
“Nuk mund të shpërblehesh, shkaku që ke vënë tarifa mbi Serbinë. Duhet të kthehemi te të njëjtat pozicione që i kemi pasur, para se ata t’i vinin ato tarifa”, ka thënë ai.
“E kuptoj domosdoshmërinë për dialog të njëmendtë dhe e kuptoj domosdoshmërinë e zgjidhjes së problemit, gjë të cilën nuk e kam të lehtë ta them, pasi që nëse pyesni shumicën e serbëve, ata do ta preferonin një ‘konflikt të ngrirë’ karshi një zgjidhjeje të vetme. E unë nuk i përkas asaj shumice”, ka thënë ai.
Vuçiqi për “Foreign Policy” ka thënë se duhet vazhduar dialogun, duke ndërmarrë përpjekje të domosdoshme për gjetjen e një kompromisi të mundshëm.
“Sërish, nuk e di se si mund të duket ajo, por duhet të bëhet në një mënyrë që do të ishte disfatë për të dyja palët, në mënyrë që të jetë fitore e vogël për të dyja palët”, ka thënë ai, përcjell Albinfo.ch.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?