Nesër i jepet lamtumira e fundit Nexhmije Pagarushës

Diva e muzikës shqipe, Nexhmije Pagarusha, ka vdekur dje në moshën 86-vjeçare. Familja e saj kanë lëshuar një njoftim, ku thonë se e pamja për Nexhmijen do të mbahet në Teatrin Kombëtar, ndërsa varrimi i saj do të bëhet në fshatin Pagarushë të Malishevës.

Sipas protokollit të familjes, e pamja hapet në hollin e Teatrit Kombëtar në Prishtinë nga ora 8:00 deri në 17:00 nga data 08.02.2020. Nderimet e fundit këngëtarës mund t’i bëhen deri më 09.02.2020.

Po ashtu, varrimi i të ndjerës do të bëhet në Pagarushë të Malishevës, me rrethin e ngushtë familjar, sipas amanetit të saj.

E pas varrimit, e pamja do të vazhdojë edhe për dy ditë të tjera deri më datë 11.02.2020 në Teatrin Kombëtar në Prishtinë, nga 8:00 deri në 17:00.

“Njoftim !

Njoftohet i gjithë populli shqiptar që më datë 08.02.2020 sipas protokolit familjar hapet e pamja në hollin e Teatrit Kombëtar në Prishtinë prej ores 08:00 deri 17:00.

Më datë 09.02.2020 do të mbahen homazhe në hollin e Teatrit Kombëtar, me ç’rast qytetarët do të mund t’i japin nderimet e fundit.

Në orën 11:00 fillon mbledhja komemorative, në po të njëjtin objekt – Teatrin Kombëtar.

Në ora 14:30 do të bëhet varrimi në fshatin Pagarushë, Malishevë,  me rrethin e ngushtë familjar, sipas amanetit të saj të fundit

E pamja me këtë rast vazhdon edhe për dy ditë dhe atë më datat 10-11.02.2020 po ashtu në hollin e Teatrit Kombëtar në Prishtinë, me fillim në ora 08:00 – 17:00.

Kërkojmë mirëkuptimin e të gjithë atyre që ndajnë dhembjen me ne, gjithë miqtë dhe dashamirët e znj.Nexhmije për t’iu përmbajtur protokollit familjar.

Me respekt,
FAMILJA PAGARUSHA-Mulliqi”