Dëbohen dy diplomatë suedezë nga Rusia, arsyeja viza e refuzuar e diplomatëve rusë

Ilustrim

Rusia dëboi dy diplomatë suedezë pasi shteti skandinav refuzoi dhënien e vizave për dy diplomatë rusë, deklaroi sot Ministria suedeze e Punëve të Jashtme, një vendim që rrezikon të përshkallëzojë marrëdhëniet tashmë të tendosura mes dy shteteve.

”Rusia është kundërpërgjigjur duke u kërkuar dy diplomatëve suedezë të largohen nga Rusia’’, njoftoi një zëdhënëse e Ministrisë, e kontaktuar nga media, por pa dhënë më shumë detaje.

Ministria ruse e Punëve të Jashtme nuk ka dashur të komentojë informacionin, shkruan AlsatM, përcjell Albinfo.ch.

Vendimi i Moskës vjen pak më shumë se dy muaj pas arrestimit në fund të shkurtit në Stokholm të një personi, e cila punonte në teknologjitë e avancuara, e dyshuar për spiunazh në Suedi në favor të Rusisë, pas rekrutimit të saj nga një agjent i shërbimeve sekrete ruse që vepronte nën mbulimin diplomatik.