Deputeti grek: Ktheni shqiptarët aty ku ishin askushi

"Le të shkojnë aty ku ishin askushi e nuk kishin këpucë në këmbë”, deklaroi ai

Në parlamentin e Greqisë është diskutuar miratimi i Memorandumit të Bashkëpunimit të dy ministrive të Jashtme për përshpejtimin e procedurave të integrimit të Shqipërisë në BE-drafti ligjor, ku ka pasur një reagim tepër të ashpër ndaj shqiptarëve.

Deputeti i “Agimit të Artë”, Ilias Kasidiaris nuk ka ngurruar të japë një “show” të vërtetë shpërthimi racist, duke u referuar dhe tek pjesëmarrja e Eleni Fureira në Eurovision, si dhe nuk la pa përmendur rastin e mesfushorit të Kombëtares shqiptare, Ergys Kaçe, i cili para disa vitesh, pozoi me fanellën e UÇK-së, përcjell albinfo.ch.

Qëndrimi i ashpër i Kasidiaris ka bërë bujë në median vendase, duke e dënuar haptazi mjaft prej tyre.

“Ju e shihni kush janë shqiptarë. Merrni rastin e Eurovisionit, reklamojmë një këngëtare që thoshte se ishte shqiptare, e të gjithë këta futbollistë e këngëtarë sapo bëjnë para fillojnë të veshin bluzat e UÇK-së, e të bëjnë simbolet e Shqipërisë së Madhe. Le të shkojnë aty ku ishin askushi e nuk kishin këpucë në këmbë”, deklaroi ai.