9 të lënduar në ndeshjen në mes të kombibusit dhe veturës

Të lënduarit, dy prej të cilëve rëndë, janë transportuar për në spitale me autoambulanca dhe me helikopter

Prokuroria Regjionale Oberland në Kantonin e Bernës dhe Policia Kantonale e Bernës njofton për një aksident të rëndë që ka ndodhur mbrëmë në Wimmis të Bernës, njofton sda.ch.

Nëntë persona kanë pësuar lëndime nga ndeshja frontale në mes të dy makinave në autostradë A6, transmeton albinfo.ch. Ata janë transportuar për në spitale me autoambulanca dhe me helikopter.

Mbetet e panjohur arsyeja përse kombibusi me tetë persona në të doli në kahun e kundërt të rrugës dhe me atë rast u ndesh me makinën që vinte në mënyrë të rregullt nga ana tjetër.

Dy të lënduar rëndë, njëri nga shoferët e automjetit me tetë udhëtarë ashtu si dhe shoferja e makinës tjetër, kanë qenë të ngujuar në makinat përkatëse dhe është dashur të angazhohen zjarrfikësit për nxjerrjen e tyre.