75% e remitancave në Shqipëri vijnë nga Italia

Studime ndërkombëtare tregojnë se tre të kartërtat e dërgesave të emigrantëve, vijnë nga Italia.

Si për tregtinë edhe për remitencat Shqipëria e ka të përqendruar varësinë e saj në pak vende të huaja.

Të dhëna të përpunuara nga Banka Qendrore Europiane për disa vende të rajonit, nxjerrin në pah lidhjen e fortë të emigracionit tonë me vetëm një vend. Nga Italia vijnë 75% e dërgesave të emigrantëve. Burimi i dytë për të ardhurat nga emigrantët janë SHBA-të me 14 % e pasuar nga Gjermania me 6%.

Fqinjët ballkanas, kanë një shpërndarje me të diversifikuar të remitancave. Burimi kryesor i dërgesave janë Gjermania dhe Shtetet e Bashkuara të Amerikës, por ata sigurojnë më shumë dërgesa edhe nga shtete të tjera.

Ekonomistët vlerësojnë se përqendrimi i të ardhurave në nivel të lartë nga vetëm një vend, siç është në rastin tonë Italia, rrit rrezikun e transmetimit të problemeve ekonomike. Në fakt kriza ekonomike në Itali e Greqi pak vite më parë solli jo vetëm ulje të remitancave, por edhe kthim të emigrantëve.