Diaspora proteston para Gjykatës Speciale në Hagë

FB: Liridon Veselaj

Shumë mërgimtarë nga Austria, Zvicra, Gjermania e vende të tjera të Perëndimit protestojnë këtë të hënë para Gjykatës Speciale në Hagë.

Të organizuar ata kanë udhëtuar për në Holandë, për të kërkuar drejtësi për ish-krerët e Ushtrisë Çlirimtare të Kosovës që po gjykohen për krime lufte dhe krime kundër njerëzimit, përcjell albinfo.ch.

Ata kanë udhëtuar me autobusë drejt Hagës, qytetit ku ndodhet Gjykata Speciale për të mbështetur ish-presidentin e Kosovës, Hashim Thaçin, ish-kryetarin e Kuvendit, Jakup Krasniqin, ish-kryetarin e Kuvendit, Kadri Veselin dhe ish-deputetin Rexhep Selimin, gjykimi ndaj të cilëve nis të hënën.