50 zyrtarë policorë kanë dhënë dorëheqje këtë vit në Kosovë

Kreu i Sindikatës së Policisë së Kosovës, Imer Zeqiri, ka bërë të ditur se gjatë këtij viti, 50 zyrtarë policorë kanë dhënë dorëheqjen për shkak të pagës dhe kushteve të tjera të punës. Dorëheqjet Zeqiri i ka quajtur tejet shqetësuese.

“Gjatë këtij viti 50 zyrtarë policorë kanë dhënë dorëheqje, e shumica për shkak të pagës dhe kushteve të tjera të punës, siç janë sigurimi shëndetësor, ligji për pensionim, shujta, paga e 13-të, shpenzimet e rrugës, e shumë e shumë të tjera”, pohoi Zeqiri në T7.