Kalaja e Artanës, një fortesë mesjetare

Kalaja e Artanës gjendet rreth 22 km larg qendrës së Kamenicës, Artana ka qenë qendër kryesore me fortesë të madhe mesjetare, pjesët e mbetura të së cilës mund të vizitohen edhe sot, shkruan albinfo.ch.

Në murin e jashtëm të kalasë shihet një kryq i madh, i ndërtuar në gurë. Kalaja mendohet se daton qysh nga Perandoria Bizantine. Ndërtimi i takon tipit fortifikatë. Kalaja përbëhet nga dy pjesë të ashtuquajtura Kalaja e sipërme dhe Kalaja e poshtme.

Mendohet se aty kanë qenë minierat dhe furrat e shkrirjes të xeheve si: hekur, plumb, argjend dhe ari.

Argjendi i Novobërdës ka qenë i njohur me një përzierje të arit. Në vitin 1450 minierat e Novobërdës prodhonin 6,000 kg argjend për një vit. Fortesa u rrethua nga Osmanët për rreth 40 ditë, dhe kapitulloi, transmeton albinfo.ch.

Kamenica kishte edhe arkitekturë interesante. Edhe sot e kësaj dite ende ekzistojnë vende të cilat e dëshmojnë ndërtimin e atëhershëm. Banorët ndërtonin mure me gurë për të ndalur rrjedhat e mëdha të ujit. E gjitha kjo bëhej vetëm përmes dorës së njeriut. /Albinfo.ch