Facebook bllokon faqen e Presidentit të Venezuelës, Maduro

Facebook, ka fshirë një video në të cilën Maduro po promovonte një kurë speciale për Covid-19

Facebook ka kufizuar faqen e Presidentit të Venezuelës Nicolas Maduro për shkak të keqinformimit të mundshëm që rrjedh nga kjo faqe.

Kompania amerikane, Facebook, ka fshirë një video në të cilën Maduro po promovonte një kurë speciale për Covid-19. Kjo nuk përputhet me rregulloret e rrjetit social, thotë një zëdhënëse e Facebook, duke ju referuar lajmit për bllokimin e faqes së Maduros.

“Ne u përmbahemi udhëzimeve të Organizatës Botërore të Shëndetësisë OBSH, sipas të cilave aktualisht nuk ka ilaçe adekuate kundër Covid-19”.

Për 30 ditët e ardhshme, në faqet e internetit të Maduros nuk do të mund të postohet asnjë material. Por në të mund të lexohet edhe më tej.

---