Edhe Enver Xhokli kthehet në shtëpi, pas trajtimit në Austri

Enver Xhokli, i lënduar nga shpërthimi i bombolës së gazit në restorantin ”Steak House” në Ferizaj, është kthyer në shtëpi, pas trajtimit mjekësor që ka marrë në Austri.

Lajmin e ka bërë të ditur ministri në detyrë i Shëndetësisë, Armend Zemaj.

“Me emocione, e pritëm në Aeroport ardhjen e Enver Xhoklit, të shëruar në Austri, i lënduar nga eksplodimi në Ferizaj, në janar të këtij viti. Trajtimi i tij është bërë po ashtu në klinikën e specializuar kundër djegieve në Spitalin e Gracit të Austrisë. Shërimin e morën përsipër institucionet e Austrisë, me përkrahjen e Kancelarit austriak, Sebastian Kurz”, ka shkruar Zemaj.

Tri javë më parë ishte kthyer edhe Fidan Gashi, i lënduari tjetër i cili gjeti trajtim mjekësor po ashtu në Grac të Austrisë.