4 të plagosur nga të shtënat në Berlin, përjashtohet motivi politik

Policia fillimisht nuk ishte në gjendje të siguronte ndonjë informacion specifik në lidhje me historikun e krimit. Por ajo përjashton ekzistimin e ndonjë motivi politik

Në qarkun Kreuzberg të Berlinit, disa njerëz janë plagosur nga të shtënat me armë sot, në mëngjesin e hershëm. Brigada e zjarrfikësve ka raportuar tre persona të plagosur rëndë. Policë të shumtë të armatosur rëndë ishin në detyrë rreth vendit të ngjarjes për të kërkuar personat e përfshirë në konflikt – njerëzit e plagosur dhe autorët, shkruan dw.de.

Është angazhuar gjithashtu edhe një helikopter. Selia e partisë SPD është shumë afër zonës ku ndodhi shtënia me armë. Policia ka rrethuar zonën.

Një burrë tjetër i plagosur është tërhequr nga Kanali Landwehr aty pranë dhe dyshohet se ka pësuar një dëmtim në këmbë, transmeton albinfo.ch. Sipas policisë, burri është hedhur në ujë vetë.

Policia përjashton motivin politik

Policia fillimisht nuk ishte në gjendje të siguronte ndonjë informacion specifik në lidhje me historikun e krimit. Por ajo përjashton ekzistimin e ndonjë motivi politik.

Në Berlin ndodhin shpesh konflilte, gjithashtu midis grupeve individuale ose familjeve. Kohët e fundit kishte një sulm nga rreth dhjetë burra në një apartament në katin përdhes dhe një makinë në Kreuzberg pasi u qëllua një 29-vjeçar.

---