376 raste pozitive, për 24 orë, në Zvicër

Sot ka pasur më shumë raste të regjistruara se një ditë më parë (340)

Ditët e fundit ka pasur një rritje të rasteve me koronavirus në Zvicër dhe Principatën e Lihtenshtajnit.

Në 24 orët  e fundit janë regjistruar 376 raste pozitive, shkruan albinfo.ch.

Gjashtë persona janë hospitalizuar, kurse nuk ka pasur asnjë të vdekur, sipas shifrave zyrtare. 12 501 testime janë bërë. 11 885 persona janë në karantinë, pasi janë kthyer nga vendet me rrezik të lartë.

Nga fillimi i pandemisë e deri më tani 41 722 raste me koronavirus janë regjistruar në Zvicër dhe Principatën e Lihtenshtajnit.

4 533 persona janë hospitalizuar dhe 1 725 persona kanë ndërruar jetë deri më tani.

Ndërkohë, 1 000 884 teste janë bërë nga fillimi e deri më sot.

---