35 raste të reja në Zvicër, 14 prej tyre të bartura nga muajt e kaluar

14 rastet janë paraqitur me vonesë në Zyrën Federale të Shëndetit Publik (BAG) dhe prandaj janë raportuar të dielën, sot

Në Zvicër dhe Lihtenshtajn gjatë ditës së fundit janë raportuar 35 infeksione me virusin korona. Ky numër, në dukje, i rritur në krahasim me një ditë më parë, përfshin 14 raste të vjetra, nga prilli dhe maji, shkruan sda.ch.

Ato janë paraqitur me vonesë në Zyrën Federale të Shëndetit Publik (BAG), prandaj janë raportuar të dielën, sot.

Të kujtojmë: 26 raste të reja ishin raportuar të shtunën, 17 të premten dhe të enjten, ndërsa 37 të mërkurën. Në Zvicër janë regjistruar 365 raste infeksioni për 100,000 banorë, transmeton albinfo.ch. Deri më tani, siç ka bërë të ditur BAG, ka pasur 31,292 raste të konfirmuara nga laboratori, me Covid-19.

Sipas BAG, 1.680 njerëz që kishin testuar pozitivisht për Covid-19 kanë vdekur deri më sot në Zvicër dhe në Principatën e Lihtenshtajnit. Zyra Federale u referohet raporteve që laboratorët dhe mjekët kishin dërguar deri në mëngjesin e të dielës, si pjesë e detyrimit të raportimit.

Numri i testeve të kryera për Sars-CoV-2 deri tani ka arritur në 507.736, përcjell albinfo.ch. Në shtatë për qind të këtyre testeve rezultati ka qenë pozitiv.

---