3400 targa ilegale janë konvertuar në RKS

Në Kosovë po vazhdon procesi i konvertimin të targave ilegale në RKS, teksa ditëve të fundit është vërejtur një shtim i interesimit nga qytetarët serbë në veri.

Ushtruesi i detyrës së drejtorit të Policisë për rajonin e veriut, Veton Elshani, ka thënë për Klan Kosova se deri më tani janë 3 mijë e 400 vetura, të cilat janë regjistruar me targa e Republikës së Kosovës, përcjell albinfo.ch.

“800 më herët, mbi 2600 deri më sot”,, tha Elshani.

Ndryshe, sipas vendimit të Qeverisë së Kosovës në mbledhjen e 28 tetorit, afati për regjistrimin e automjeteve me targa ilegale serbe është shtyrë deri më 1 dhjetor, ndërsa Ministria e Punëve të Brendshme në fillim të muajit nëntor pati njofuar të gjithë personat që kanë automjete me targa ilegale do të kenë mundësi të përfitojnë nga lehtësitë për regjistrim në targa RKS.