3,400 forca të KFOR-it janë të stacionuara në Kosovë

Gjermania pritet ta rrisë numrin e ushtarëve në Kosovë

Gazeta “Spiegel” raportoi se qeveria gjermane në fillim të këtij viti donte të dërgonte më shumë ushtarë të Bundeswehr-it në Kosovë, përcjell albinfo.ch.

Prandaj, kancelaria gjermane miratoi planet e ushtrisë për të dërguar 150 ushtarë në Prishtinë vitin e ardhshëm.

Një zëdhënës i Ministrisë gjermane të Mbrojtjes konfirmoi këtë informacion për agjencinë e lajmeve Reuters.

Edhe Ministria gjermane e Mbrojtjes ka theksuar se ky vendim i rritjes së numrit nuk ka të bëjë me tensionet aktuale në veri të Kosovës. Prandaj, kjo nuk është një rritje e trupave të KFOR-it për ndërhyrje.

Britania e Madhe dhe Rumania, nga ana tjetër, duan të forcojnë trupat e tyre në Kosovë.

Aktualisht janë rreth 3,400 forca të KFOR-it të stacionuara në Kosovë.

Tensionet mes Serbisë dhe Kosovës janë shtuar që nga 24 shtatori, kur 30 serbë të armatosur sulmuan një stacion policor të Kosovës në veri të vendit, shkruan gazeta austrike, plus 24. /Albinfo.ch

---