30 vjet nga rënia e Murit të Berlinit

Foto Ilustrim

Prejse u ndërtua në gusht të vitit 1961 e derisa u rrënua më 9 nëntor 1989, Muri i Berlinit ka bërë më shumë dëm se vetëm ndarja fizike e Gjermanisë Perëndimore nga ajo Lindore.

Muri e ka simbolizuar rrënjosjen e urrejtjes së thellë, si dhe një ndarje të pakapërcyeshme mes popullit, duke rezultuar me vrasjen e 139 njerëzve që guxuan ta kalojnë.

Pas rrënimit të këtij muri, mbetjet e tij janë bërë simbol i shpresës dhe paralajmërim për njerëzimin.

Këtë vit shënohet 30-vjetori i rrëzimit të këtij muri dhe manifestimi kryesor do të mbahet nesër, ku do të marrin pjesë presidentin i Gjermanisë, Frank-Walter Steinmeier, e kancelarja Angela Merkel, shkruan albinfo.ch.