30 ditë arrest shtëpiak për dy serbët që tentuan të blinin vota

Gjykata Themelore në Gjilan u ka caktuar masën e arrestit shtëpiak prej një muaji dy serbëve, M. J. dhe N. Sh., të dyshuar për blerje të votave.

“I pandehuri M. J. dyshohet se në zgjedhjet e 22 tetorit i ka paguar faturën e rrymës personit Z. S., në mënyrë që ky i fundit të votojë së bashku me familjarët e tij për kandidaten, e cila ka qenë bashkëshorte e të pandehurit.

Ndërsa N. Sh., dyshohet se më 22 tetor ka ndikuar te qytetarët që të votojnë për kandidatin e një partie të caktuar, madje edhe duke ofruar para në këmbim të votës”, thuhet në njoftimin e gjykatës.