3 miliardë vaksina anticovid të shpërndara në gjithë botën

@pixabay

Referuar statistikave, numri i vaksinave kundër koronavirusit të dhëna në gjithë botën ka kaluar 3 miliardë, transmeton albinfo.ch.

Sipas raortit, thuhet se vaksinimi ka nisur në fund të dhjetorit, por është intensifikuar vetëm muajve të fundit.

Sipas llogaritjeve të kompanisë amerikane Bloomberg, 23 për qind e vaksinave janë dhënë në 27 vende të pasura dhe kjo dëshmon pabarazinë në qasjen në vaksina.

Shtetet e Bashkuara kanë dhënë 11.1 për qind të dozave, ndërsa Kina 40 për qind.

Në pjesën më të madhe të Afrikës, norma e vaksinimit është nën 1 për qind, ngjashëm sikurse në vende të tjera të varfra.

“Bota po dështon”, tha drejtori i përgjithshëm i Organizatës Botërore të Shëndetësisë, Tedros Adhanom Ghebreyesus.

“Ne po përballemi me një pandemi me dy drejtime, të nxitura nga pabarazia”, tha ai.

Paralajmërimi vjen në kohën kur varianti Delta i koronavirusit është duke u përhapur në mesin e njerëzve të pavaksinuar në gjithë botën, duke detyruar vendet nga Azi-Paqësori deri në Rusi të vendosin ose të zgjasin masat e kufizimit.

Ky variant, i identifikuar për herë të parë në Indi, është më ngjitës.

Organizata Botërore e Shëndetësisë e ka klasifikuar atë si variant shqetësues.

Në  gjithë botën koronavirusi ka prekur mbi 181 milionë njerëz. Prej tyre, mbi 3.9 milionë kanë vdekur.