22 vjeçari, rekord në fluturimin rreth botës

E gjithë aventura e Carlo Schmid-itka zgjatur 40 mijë kilometra ndërsa aeroplani i tij ka fluturuar efektivisht 110 orë

Zvicerani 22 vjeçar Carlo Schmid është piloti më i ri i të gjitha kohëve që ka fluturuar i vetëm rreth botës. Këtë arritje e ka bërë për saktësisht 80 ditë dhe pritet se me siguri do të gjendet në librin e rekordeve të Ginist.

Me aeroplanin e tij të vogel njëmotorësh Cessna 210, zvicrerani i ri i ka rënë botës rreth e qark. Të shtunën, në orën 113.17 minuta ai ka arritur në fushën e aterrimit në Dübendorf të Cyrihut. Me rastin e aterrimit, atë e ka shoqëruar një formacion aeroplanësh ushtarakë të Zvicrës, një privilegj që për herë të parë i është bërë atij.

Ai është pritur nga qindra perona të entuziazmuar që valvisnin flamujt e Zvicrës.

Schmid ka filluar fluturimin e tij më 11 korrik pikërishht në Dübendorf. E gjithë aventura e tij ka zgjatur 40 mijë kilometra dhe për këto 80 ditë ai ka kaluar 21 shtete. Fluturimi efektiv i aeroplanit ka zgjatur 110 orë.

Rekordin si pilot më i ri që ka fluturuar rreth botës deri më tash e ka mbajtur amerikani 23 vjeçar Irving Barrington.

Ndërkaq Carlo Schmid nuk është mjaftuar vetëm me arritjen e tij në fluturim. Me moton “Round the world for children” (Rreth botës për fëmijët) ai e ka shfrytëzuar fluturimin e tij edhe për të grumbulluar para për fëmijët me kushte të vështira. Kështu, piloti i ri, me tu kthyer në Dübendorf, i ka dhuruar UNICEF-it një çek në vlerë prej 50 mijë frangash, të dedikuar për një projekt për arsimimin e vajzave në Indi.

Ndërsa i gjithë fluturimi, që ka kushtuar 500 mijë franga, është financuar nga sponsorë dhe dhurues privatë.