Lajme

21,926 raste të reja me Covid në Zvicër

E hënë, 2 Nëntor 2020 - 12:49 albinfo.ch

Keystone - Tomek Baginski @tombag

Para pak minutash BAG ka raportuar 21,926 raste Covid me një normë pozitiviteti prej 24,7% – 93 vdekje, transmeton albinfo.ch.

Virusi Korona vazhdon të përhapet në Zvicër. Më 2 nëntor Zyra Federale e Shëndetit Publik raportoi 21,926 raste të konfirmuara nga laboratori në 88,863 teste brenda 72 orësh.

Tani në Zvicër janë 154,251 infeksione të korona të konfirmuara nga laboratori. Ndërkohë numri i vdekjeve ka arritur në 2037 viktima.

Numri i pranimeve në spital ishte 497, numri i vdekjeve 93. Shkalla e pozitivitetit – raporti i testeve pozitive me numrin e përgjithshëm të testeve, ishte 24.7 për qind.

Numri i rasteve po rritet në gjithë Zvicrën. Harta tregon rastet e konfirmuara nga laboratori për 100,000 banorë në 14 ditët e fundit. /Albinfo.ch