20 të infektuar në barin “Tesla” të pronarit serb, në Aargau

Ky bar është në pronësi dhe nën menaxhim të personave me kombësi serbe. Në faqe të ndryshme të facebook-ut mund të lexohet se emri i barit i është kushtuar "shkencëtarit të madh serb, Nikola Tesla"

Ka ndodhur edhe një shpërthim i madh i koronavirusit. Kësaj radhe në kantonin e Aargau, siç raporton gazeta Aargauer Zeitung. Mjekja përgjegjëse e kantonit Yvonne Hummel ka konfirmuar këtë lajm edhe për transmetuesin Tele M1: “Ne jemi vënë në dijeni sot se rreth 20 njerëz janë infektuar në bar “Tesla” në Spreitenbach gjatë një mbrëmje”.

Gjithsej në bar kanë qenë rreth njëqind njerëz, transmeton albinfo.ch.

Tani janë duke u zhvilluar sqarimet, në mënyrë që të mund të konstatohen dhe të informohen personat e kontaktit.

Edhe vetë menaxheri i lokalit është infektuar me virusin Corona, siç e thotë ai në një intervistë për Blick. Ai dhe të gjithë punonjësit e tij tani janë në karantinë për dhjetë ditë, përcjell albinfo.ch. “Bari mbetet i mbyllur”, ka thënë ai.

Siç merr vesh albinfo.ch, ky bar është në pronësi dhe nën menaxhim të personave me kombësi serbe. Në faqe të ndryshme të facebook-ut mund të lexohet se emri i barit i është kushtuar “shkencëtarit të madh serb, Nikola Tesla”. Po ashtu në një vend të dukshëm në lokal është vendosur portreti i Nikola Teslës.

Po kështu ehde njoftimi për rastin, gjegjësisht mbylljen e përkohshme të barit, i vendosur në portën e lokalit, është shkruar në gjuhën serbe dhe në atë gjermane

Autoritetet e Kantonit Aargau e vënë në lidhje këtë shpërthim infeksionesh me vatrën tjetër të madhe të shpërthimit, që u konstatua ditë më parë, në një klub – diskotekë në Cyrih.

---