20 pjesëtarë të policisë shpallen fajtorë për marrje ryshfeti

Dënimet me burg, të shqiptuara nga gjykata kanë qenë minimumi 6 muaj, derisa njëri nga të akuzuarit është dënuar me 31 muaj burg

20 pjesëtarë të policisë së Kosovës janë dënuar nga Gjykata Themelore e Prizrenit për marrje të ryshfetit në bashkëkryerje. Përveç dënimeve me gjobë, gjykata ka shqiptuar edhe dënime me burg.

Dënimet me burg, të shqiptuara nga gjykata kanë qenë minimumi 6 muaj, derisa njëri nga të akuzuarit është dënuar me 31 muaj burg. Derisa dënimet me gjoba të shqiptuara nga gjykata kanë qenë prej 1 mijë euro e që kanë shkuar deri në 3 mijë euro.

Të akuzuarit, sipas Prokurorisë, në cilësinë e personave zyrtarë, si pjesë a patrullës policore në kontrollimin e trafikut në autostradën “Ibrahim Rugova”, kishin pranuar të holla të ndryshme nga kundërvajtësit, në mënyrë që të mos u shqiptoheshin tiketa të trafikut. Paratë e marra, të akuzuarit i kishin ndarë në mënyrë proporcionale.