Dhjetëra kompani prodhuese nga Kosova po marrin pjesë në panairin Swissbau në Zvicër

Klasteri Prefab Kosova ka njoftuar se me mbështetjen e USAID Kosovo Compete Activity organizon pjesëmarrjen e 15 kompanive prodhuese në panairin Swissbau nga 16 deri më 19 janar, në Bazel të Zvicrës.

“Kompanitë nga Kosova do të shfaqin kryeveprën e tyre të përbashkët – një shtëpi mahnitëse të ndërtuar nga druri, në Sallën 1.0, Stand A51. Kjo është një mundësi e jashtëzakonshme për të vënë në pah aftësitë e industrisë sonë dhe për të eksploruar bashkëpunime të mundshme”, thuhet në njoftim, transmeton albinfo.ch.