12 miliardë euro është vlerësuar “Trepça”

Rezervat minerale të rikuperueshme të vlerësuara të “Trepçës” sillen prej 8 deri në 12 miliardë euro dhe ndërmarrja ka potencial për t’u bërë një nga fituesit më të mëdhenj të valutës së huaj në Ballkan, thuhet në një dokument të përgatitur nga Agjencia Kosovare e Privatizimit për palët e interesit në gusht të këtij viti.

Këto vlerësime për rezervat nëntokësore të “Trepçës” AKP-ja i bazon në opinionin e një eksperti, shkruan Zëri.

Sipas këtij dokumenti, “Trepça” aktualisht është duke operuar në shkallë të vogël me të ardhura minimale dhe shpenzime të mëdha.

Si pasojë, ky grup i minierës krijon humbje të mëdha dhe shpenzime të konsiderueshme në buxhetin e Kosovës, si dhe komunitetin e donatorëve.

“Kjo gjendje e afarizmit nuk është e qëndrueshme”, thuhet ndër të tjera në dokument.