​Aeroporti i Prishtinës, fiton tri çmime

ANP “Adem Jashari” ka fituar tri çmime të arta, atë për përgjegjësi ndaj shoqërisë; për Përfitimet e punëtorëve dhe atë; për Përkujdesje ndaj ambientit

Foto ilustrim

Aeroporti Ndërkombëtar i Prishtinës, “Adem Jashari” ka fituar tri çmime në tri kategori të ndryshe. Ai është shpërblyer me çmimin e artë për përgjegjësinë korporative ndaj shoqërisë (CSR Gold Supreme Champion 2015); Çmimin e Artë në kategorinë për Përfitimet e Punëtorëve (Gold Environmental Endeavour Sector) dhe Çmimin e Artë për përkujdesje ndaj Ambientit (Gold Award Employee Benefit Sector).

Drejtori Gjeneral i Aeroporti, Haldun Firat Kokturk u shpreh mirënjohës për këto çmime dhe për vlerësimin e ANP “Adem Jashari” si një ndër kompanitë më të suksesshme në këtë garë.

Duke veçuar këtu çmimin “Gold Award Environmental Endeavour Sector”, ai thotë se ANP ka pas parasysh sistemin më të ri të trajtimit të ujërave, sistem i cili është më i avancuari në rajon për pastrimin e mbetjeve të ujit.

“Në kohën kur ngrohja globale ka rritur shqetësimet e njerëzve në botë, ANP “Adem Jashari” ka bërë progres të shpejtë në kursimin dhe trajtimin e ujit, duke reduktuar deri në 40% sasinë e ujit që harxhohet, në krahasim me aeroportin e vjetër”, vlerëson menaxhemnti i aeroportit, raporton KP.

Për më tepër, ANP “Adem Jashari” është shpërblyer me çmimet “CSR Gold Supreme Champion 2015”si dhe “Gold Award Employee Benefit”, për themelimin e Institutit për Shërbime të Aeroportit, për të cilin 30 studentë nga Universiteti i Prishtinës ishin përzgjedhur dhe trajnuar, si dhe pas përfundimit të praktikës ju është dhënë mundësia për t’u punësuar në sektorë të ndryshëm të aeroportit.

ANP “Adem Jashari”vazhdon të jetë në garë si aeroport lider në Evropë, i nominuar  nga “World Travel Awards 2015”.