Zyrtarët e BE-së mbështesin Greqinë në trajtimin e emigrantëve

Ata konfirmuan domosdoshmërinë e respektimit të ligjit ndërkombëtar dhe të drejtave të njeriut

Zyrtarë të nivelit të lartë të Bashkimit Evropian iu bashkuan kryeministrit grek, Kyriakos Mitsotakis në një vizitë përgjatë lumit Evros, pasi një fluks migrantësh u përpoqën të hynin në Greqi nga Turqia.

Presidentja e Komisionit Evropian, Ursula von der Leyen, presidenti i Këshillit Evropian, Charles Michel, presidenti i Parlamentit Evropian, David Sassoli dhe kryeministri kroat Andrej Plenkoviq, vendi i të cilit mban presidencën e radhës të Këshillit të BE-së, iu bashkuan kryeministrit Mitsotakis, transmeton ATSH.

Zyrtarët e BE-së, të cilët vizituan kufijtë e Greqisë, konfirmuan domosdoshmërinë e respektimit të ligjit ndërkombëtar dhe të drejtave të njeriut, si dhe shprehën besim në hapat që qeveria greke ka ndërmarrë për menaxhimin e krizës në kufirin greko-turk, përcjell albinfo.ch.

Gjatë deklaratave të bëra në prefekturën Evros, ata konfirmuan gjithashtu mbështetjen dhe solidaritetin me Greqinë.

---