Zyrtare: Rita Ora performon në Kosovë më 17 shkurt

Adil Behramaj nga Këshilli Organizativ për shënimin e dhjetëvjetorit të pavarësisë ka konfirmuar pjesëmarrjen e yllit botëror në këtë manifestim

Këngëtarja kosovare me famë botërore, Rita Ora, zyrtarisht do të marrë pjesë në manifestimin që organizohet në Prishtinë për dhjetëvjetorin e Pavarësisë së Kosovës.

Adil Behramaj nga Këshilli Organizativ për shënimin e dhjetëvjetorit të pavarësisë ka konfirmuar pjesëmarrjen e yllit botëror në këtë manifestim.

“Mund të konfirmoj se më 17 shkurt 2018, në orën 22:00 para shikueseve dhe qytetarëve të Kosovës do të performojë këngëtarja më famë botërore Rita Ora” ka thënë Behramaj për “Radio Evropa e Lirë”.

Shënimi i 10-vjetorit të pavarësisë së Kosovës ka filluar me aktivitete të ndryshme. Ndërkaq manifestimi qendror do të zhvillohet më 17 shkurt.