Zvicra, 45 milionë franga “Fondit të Kohezionit” për Kroacinë

Me “Kontributin e kohezionit” deri në fund të majit të vitit 2017 do të mbështetet modernizimi në sferën shoqërore dhe ekonomike në vendin më të ri të BE-së

Në kuadrin e “Kontributit të kohezionit” që shtetet e Bashkimit Evropian bashkë me Zvicrën e japin për shtete e reja, të anëtarësuara në BE, Zvicra është zotuar të japë pjesën e saj për anëtaren më të re, Kroacinë. Dhoma e Kantoneve ka votuar sot me shumicë votash (39:2) në favor të ofrimit të këtij kontributi në vlerë prej 45 milionë frangash.  Bashkë me këtë shumë deri më tash Zvicra për anëtaret e reja të BE-së ka dhënë 1.3 miliard franga.

Me “Kontributin e kohezionit” deri në fund të majit të vitit 2017 do të mbështetet modernizimi në sferën shoqërore dhe ekonomike në vendin më të ri të BE-së.

Pagesa e këtij kontributi ashtu sikurse dhe zgjerimi i marrëveshjes për lëvizje të lirë  edhe me Kroacinë, ishte vënë në pikëpyetje pas votimit më 9 shkurt të iniciativës kundër migracionit masiv. Qeveria e vendit fillimisht kishte vendosur të mos e zgjeronte marrëveshjen në fjalë me Kroacinë. Ai kishte vendosur të vinte kontingjente të veçanta për kroatët.

Për të qenë i plotfuqishëm, vendimi për “kontributin e kohezionit” duhet të marrë edhe votën e Dhomës Nacionale të Parlamentit të Zvicrës.