Zviceranët të kënaqur me sistemin shëndetësor

Pothuajse 80 për qind e të anketuarve vlerësojnë të jetë i mirë apo edhe shumë i mirë sistemi aktual shëndetësor në Zvicër

Sa janë të kënaqur zviceranët me sistemin shëndetësor. Për të marrë përgjigje në këtë pyetje, për çdo vit Instituti për Hulumtime të Opinionit GFS me kërkesë të “Interpharma” realizon një sondazh.

Këtë herë në fokus ishte heqja e sigurimit shëndetësor të detyrueshëm dhe Fondi i Përbashkët. Por, rezultati i sondazhit në fjalë tregon se zviceranët janë shumë të kënaqur me sistemin shëndetësor.

Premitë e sigurimeveshëndetësore prekin thellë në xhepin e qytetarëve. Për çdo të pestin është  një ngarkesë e vazhdueshme, shkruan drs.

Megjithatë është për t’u habitur se shumica ende nuk duan të ndryshojnë asgjë në sistemin aktual shëndetësor.

Pothuajse 80 për qind e të anketuarve vlerësojnë të jetë i mirë apo edhe shumë i mirë sistemi shëndetësor në Zvicër.

“Në pyetjen se cilën do ta zgjedhin ndërmjet cilësisë dhe kostos, shumica përgjigjen se cilësia është më e rëndësishme” tha Claude Longchamp, drejtor i Institutit për Hulunmtime të Opinionit GFS.Po ashtu të gjithë janë përgjigjur se duan vet të zgjedhin mjekun, ndërsa vetëm 6 për qind dëshirojnë të hiqet e drejta e përzgjedhjes së mjekut.