Lajme
Zvicër: A janë kopshtet zoologjike një zhvillim i nevojshëm?
Në dekadat e fundit mirëqenia e kafshëve është bërë një shqetësim kryesor për popullatën, duke i shtyrë kopshtet zoologjike të evoluojnë, si në “kushtet e robërisë”, ashtu edhe në praktika, shkruan albinfo.ch.
Biologu i kopshtit zoologjik, Pierre Ecoffey, ka shpjeguar se sa u përket lojërave dhe trikave të ndryshëm, objektivi është të krijojnë zhgënjim dhe t’i stimulojmë ata në mënyrë që të zbulojnë se si të mësojnë gjëra të reja.
Sipas tij, këto praktika të reja të quajtura “pasurim” synojnë të zhvillojnë kreativitetin e kafshëve siç do të bënin në natyrë dhe të thyejnë mërzinë.
“Sot nuk kërkojmë më higjienën, kemi një dysheme dheu, me bimë natyrore, madje kemi një ekosistem që është krijuar me krimba, morra dhe kemi një gjendje më të mirë shëndetësore për kafshët”, shton specialisti, transmeton RTS.
Parimi i robërisë
Në Bernë, gropa e ariut ishte për një kohë të gjatë objekt ankesash në Zvicër dhe jashtë saj, përpara se qyteti të rimendonte plotësisht, në vitin 2009, kushtet e robërisë së kafshëve të tij.
Por, për Vera Weber, drejtoreshë e Fondacionit Franz Weber, ende lind pyetja e robërisë: “Fëmijëve u mësohet se dominimi i njeriut mbi kafshët është gjithmonë i pranueshëm, ndërsa kopshtet zoologjike duhet të jenë në shërbim të kafshës”.
Në sytë e saj, kopshtet zoologjike sot duhet të vazhdojnë të evoluojnë dhe “mund të bëhen qendra për rehabilitimin ose rikthimin e specieve vendase të rrezikuara, kjo është ajo që duhet të bëhet një kopsht zoologjik në shekullin 21”.
Argëtim dhe ndërgjegjësim
Kopshtet zoologjike zvicerane tërheqin më shumë se pesë milionë vizitorë çdo vit. Nëse mbeten vende argëtimi publik, ky nuk është më misioni i tyre i vetëm, nënvizon Roland Bulliard, drejtor i kopshtit zoologjik Servion.
“Kopshtet zoologjike na lejojnë gjithashtu të studiojmë kafshët, t’i kuptojmë më mirë për t’u dhënë atyre kujdesin më të mirë veterinar dhe kjo ndoshta bën të mundur ofrimin e kujdesit për kafshët në natyrë në rajonet ku ata kanë nevojë”, ka thënë ai.
Bulliard ka thënë se sa i përket të ardhmes, objektivi kryesor mbetet mirëqenia e kafshëve: “Ne do të zgjerojmë më tej rrethimet pa shtuar numrin e specieve, por nuk mund të prekim pyllin apo tokën bujqësore”.
Sipas raportit të Mbrojtjes së Kafshëve Zvicerane për kopshtet zoologjike, parqet e kafshëve përputhen me standardet e mirëqenies së kafshëve.
E-Diaspora
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri