Fillon një studim për taksa të mundshme për mobilitet

Konfederata do të analizojë lëvizshmërinë e përditshme të popullsisë në qendrat e mëdha urbane deri në vitin 2019 në kantonin e Zug-ut.

Më saktësisht, ajo do të analizojë udhëtimin e banorëve të këtij kantoni nga shtëpitë e tyre deri në punë. Ky studim do të zhvillohet për të vlerësuar masat për të kufizuar qarkullimin e ngjeshur në periudha të sakta gjatë ditës. Ky është një hap i parë drejt një taksëpagese të mundshme për mobilitet.

Bëhet fjalë për një studim të madhësisë reale. Qëllimi i Departamentit Federal të Transportit (DETEC) është të vlerësojë formën e ardhshme të masave për lehtësimin e infrastrukturës rrugore dhe hekurudhore. Por, do të ketë vetëm vëzhgim në një kanton, ku fluksi i udhëtarëve është i madh dhe ku pagesa e taksës për lëvizshmëri mund të jetë e dobishme.

Qarkullim: Inkurajimi i një organizimi më ndryshe

Kjo taksëpagesë (“mobility pricing”) është strategji vlerësuese nga Këshilli Federal – përveç në zhvillimin e infrastrukturës –  për vakuum të rrugëve dhe hekurudhave në orët e pikut (kur ka më së shumti qarkullim).

Qëllimi është të nxitet një organizim tjetër i punës ose bashkudhëtimi me makinë, edhe përmes tarifave të diferencuara, pak a shumë të shtrenjta, në varësi të rajonit apo kohës në të cilën ju merrni trenin apo makinën.

Pas përfundimit të studimeve të Zug-ut më 2019, DETEC pastaj mund të kalojë në faza të testimit në kantonet vullnetare. Por, parimi i tarifave të diferencuara është larg mendimit unanim brenda partive. Ky projekt gjithashtu do të shtrojë pyetje për mbrojtjen e të dhënave. Në këtë pikë, Konfederata ka thënë se do të sjellë të gjitha garancitë.