Zelensky del me thirrje për vendet e Ballkanit

EPA/SERGEY DOLZHENKO

Presidenti ukrainas Volodymyr Zelensky u bëri thirrje vendeve të Bashkimit Evropian dhe veçanërisht Ballkanit që të fillojnë një “kurs pavarësie nga Rusia” në politikë, ekonomi dhe energji, duke forcuar bashkëpunimin.

Në një fjalim në forumin 2BS, i cili organizohet nga Aleanca Atlantike e Malit të Zi, ai tha se “të gjitha vendet evropiane duhet të shkatërrojnë të gjitha rrjetet ruse të ndikimit” në mënyrë që të parandalojnë “përhapjen e dezinformimit, korrupsionit dhe politikës kriminale”.

“Nuk është më pak e rëndësishme për Ballkanin sesa për pjesën tonë të Evropës”, ​​tha Zelensky, raporton RIA Novosti.

Në një video-mesazh në kanalin Telegram, ai theksoi se vendet e rajonit evropian duhet të forcojnë aleancat dhe bashkëpunimin për të hequr qafe të gjitha format e varësisë nga Rusia.