Xherdan Shaqiri imagjinon 11-shen e tmerrshme tek FC Basel

Xherdan Shaqiri (27) ka folur për një kthim të mundshëm në Zvicër, duke e imagjinuar ekipin më të fortë të FC Basel me ish yjet e tij. "Uh, çfarë ekip i ëndrrave do të mund të bëhej"!!!

Të shtunën, Xherdan Shaqiri (27) përsëri është kthyer në normalitet, shkruan “Blick”, përcjell Albinfo.ch. Pas fitores 5:2 kundër Belgjikës, me Liverpoolin ai do të takohet kundër Watfordit. Shaqa është nën kontratë me anglezët për pesë vite, deri në vitin 2023, ndërsa tani ka arritur zenitin e karrierës. Por, gjithashtu mendon edhe për “rënien” e karrierës së tij. A është ai njëri nga ata lojtarë, që do të ktheheshin në FC Basel?

“Është ende një rrugë e gjatë dhe me Liverpoolin dua t’i arrij ambiciet e mia”, thotë ai. “Por, kthimi në Bazel është gjithmonë një opsion. Për prindërit e mi, do të ishte e veçantë nëse do të kthehesha në FCB. Ndoshta unë do të luaja me të kthyerit e tjerë. Po që se vërej se çfarë akipi mund të bëhet me ish lojtarët e FCB, wow”, transmeton Albinfo.ch.

Shaqiri llogarit në: “Sommer në gol, në mbrojtje Schär, Akanji, Abraham, në mesfushë Lang, Rakitiç, Xhaka, Elneny, përpara Embolo dhe unë. Ende nuk i përmendëm Dragoviç, Derdiyok, Elyounoussi apo Steffen”.

Ivan Rakitiç (30) tashmë ka bërë të ditur se mund ta imagjinojënjë kthim në FCB pas kohës së kaluar tek FC Barcelona: “Do të ishte një ëndërr e madhe përsëri të luash në Joggeli me trikon e FCB-së”.

Granit Xhaka (26), për “Basellandschaftliche Zeitung” në pyetjen nëse një kthim i mundshëm i tij tek FCB është njëri ndër qëllimet, ka pohuar: “Patjetër! Por, me siguri se nuk do të jetë rasti në moshën 28-vjeçare, dua të jem i sinqertë. Shembulli më i mirë për mua është rasti i Alex Frei, i cili u kthye në moshën tridhjetëvjeçare dhe ka sjellë fuqinë tek FCB duke i dhuruar disa tituj. “Gjatë nënshkrimit të kontratës me FCB, Alex Frei kishte 30 vite e dy ditë, njofton Albinfo.ch.

Me këtë rast, Xherdani ka imagjinuar edhe njëmbëdhjetëshin ideale të FC Basel. Sipas Transfermarkt.ch, njëmbëdhjetë lojtarët e ekipit do të kishin një vlerë tregu prej 365.5 milionë eurosh, informon Albinfo.ch.

Skuadra e tanishme e FCB me 29 lojtarë, ka një vlerë prej vetëm 53.5 milionë!

Ekipi i ëndrrave të FCB: Yann Sommer (Gladbach, 13 mil.); Fabian Schär (Newcastle, 3 mil.), Manuel Akanji (Dortmund, 33 mil.), David Abraham (Frankfurt, 4 mil.); Michael Lang (Gladbach, 4.5 mil.), Ivan Rakitiç (Barcelona, ​​70 mil.), Granit Xhaka (Arsenal, 40 mil.), Mohamed Elneny (Arsenal, 10 mil.); Xherdan Shaqiri (Liverpool, 20 mil.), Breel Embolo (Schalke, 18 mil.), Mohamed Salah (Liverpool, 150 mil.).

---