Xhemailit i shpërthejnë lotët para kamerës

"Gjithçka që kemi arritur unë dhe vëllai im, ia kemi borxh babait. Por ishte shumë, tepër e vështirë të rritesh pa babanë pranë”, ka thënë Blerimi dhe ka shpërthyer në lot

Në një rrëfim emocional tek flet për babain e tij, ylli i futbollit nga Zvicra, Blerim Xhemaili nuk i përmban lotët para kamerave televizive të emisionit “Sportlounge” të televizionit SRF. Në fillim të këtij portretimi flet vëllai i futbollistit të njohur, Betimi dhe tregon fotografitë e fëmijërisë së të dyve. Ai evokon se si babai i tyre, Fekredini më parë vinte të punonte në Zvicër si punëtor sezonier në ndërtimtari, nëntë muaj në vit larg familjes. Këtë, profesori i edukatës fizike e bënte për t`i mundësuar familjes një jetesë të denjë në vendlindje.

Pastaj ai e ka marrë familjen në Zvicër, ku fillimisht jetonin të katërt në një banesë njëdhomëshe e gjysmë. Duke evokuar atë kohë Blerimit i shpërthejnë lotët para kamerës. “Gjithçka që kemi arritur unë dhe vëllai im, ia kemi borxh babait. Por ishte shumë, tepër e vështirë të rritesh pa babanë pranë”.

http://www.srf.ch/sport/fussball/nationalmannschaft/dzemaili-habe-alles-meinem-vater-zu-verdanken