Xhaka thotë fjalë të mira për Zhegroven

Xhaka ka folur me superlativa për Zhegrovën

Taulant Xhaka, në një intervistë për zviceranen “Blick”, ku ka folur për shumë tema, është pyetur edhe për Edon Zhegrovën, talentin e Kosovës, që nuk po luan rregullisht te Baseli.

Gjërat kanë nisur të ndryshojnë së fundmi, por prapëseprapë Edoni duhet të punojë edhe shumë për ta bindur trajnerin e Baselit.

Sido që të jetë, Xhaka s’ka asnjë dyshim se Zhegrova është një talent i jashtëzakonshëm, por që, sipas tij, në fillim nuk e ka marrë edhe seriozisht këtë punë.

“Edoni luftoi në fillim për të ndarë argëtimin me seriozitetin. Sidoqoftë, na ndihmon shumë me driblimin e tij, me cilësitë që ka”, u shpreh Xhaka.

“Ai e di se ende mund të përmirësohet, veçanërisht në fazën mbrojtëse”.

“Nuk kemi pse të flasim në mënyrë agresive për klasin e tij. Nëse e ka topin në këmbë, diçka ndodh”, shkruan GE, përcjell albinfo.ch.

---