Xhaka kërkon falje

“Kërkoj falje të dashurës, familjes time, shokëve, menaxherit dhe gjithë tifozëve të Zvicrës që na mbështetën gjatë këtyre ditëve”, ka shkruar Xhaka në rrjetet sociale

(KEYSTONE/Jean-Christophe Bott)

Ganit Xhaka ka kërkuar falje për penalltinë e humbur ndaj Polonisë. Zvicra është eliminuar nga Kampionati Evropian, duke u mposhtur 5:4 nga Polonia pas ekzekutimit të penalltive, shkruan albinfo.ch.

Xhaka u shndërrua në fytyrën tragjike këtë mbrëmje, duke humbur penalltinë, çka bëri që gjitha mediat botërore të shkruajnë për këtë dështim të yllit të Arsenalit. “Kërkoj falje të dashurës, familjes time, shokëve, menaxherit dhe gjithë tifozëve të Zvicrës që na mbështetën gjatë këtyre ditëve”, ka shkruar Xhaka në rrjetet sociale.

Trajneri i Zvicrës, Vladimir Petkoviq, është shprehur i dëshpëruar me eliminimin e Zvicrës nga Kampionati Evropian. “Jam i mërzitur për Granit Xhakën, por s’ka të bëjë vetëm me të. Zvicra humbi dhe jam i mërzitur për këtë. Lojtarët dhanë gjithçka dhe treguan çfarë mund të bëjnë në fushë, Por fatkeqësisht ne i bëmë disa gabime dhe paguam për to. Pastaj ishte lotaria e penalltive, nëse e humb një, mund të jetë kruciale”, deklaroi trajneri i helvetëve.