Vuçiq raportohet se do ta dekorojë Grenellin

screnshot

Mediat serbe shkruajnë se presidenti i Serbisë, Aleksandar Vuçiq, raportohet se ka nderuar me “Urdhër të Flamurit serb” ish-emisarin e SHBA-së për Kosovë-Serbi, Richard Grenell, përcjell albinfo.ch.

Mediat serbe kanë publikuar listën e të gjithë atyre që do të nderohen nga Vuçiqi dhe mesin e tyre është edhe ish-emisari Grenell.

Nderimi për Grenellin po bëhet për shërbime të dalluara në zhvillimin dhe forcimin e bashkëpunimit paqësor dhe marrëdhënieve miqësore ndërmjet Republikës së Serbisë dhe SHBA-së.

Mirëpo, kjo gjë në Serbi po shihet si veprim “fëmijëror” i Vuçiqit.

Biljana Stojkoviq, profesoreshë në Universitetin e Beogradit dhe kryetare e partisë Zajedno, thotë për Danas se është mjaft e varfër dhe foshnjore për të kuptuar se çfarë përfaqësojnë dekoratat dhe cilat duhet të jenë arsyet për dhënien e njëfarë mirënjohjeje.

Aris Movsesijan, ish-kryetar i Partisë së Re, thotë për Danas se lajmi i mirë është se presidenti Aleksandar Vuçiq të paktën ndonjëherë bën punën e tij.

Edhe analistë të tjerë kanë komentuar, duke thënë se Grenelli do ta ketë tashmë derën të mbyllur.