Kosova

Vrasja në Gjakovë: Eksplozivi ishte vendosur në derën e oborrit të viktimës

E diel, 14 Tetor 2018 - 12:59 albinfo.ch
Ilustrim

Prokuroria e Gjakovës ka dhënë detaje për rastin e vrasjes që ka ndodhur sot në mëngjes në Smolicë të Gjakovës.

Sipas prokurorit Armend Zenelaj, viktima H. Ahmeti (1957), është vrarë pas aktivizimit të një eksplozivi të vendosur në derën e oborrit të shtëpisë së tij.

Në një prononcim për Kallxo.com, prokurori Zenelaj tha se lidhur me këtë rast, që ka ndodhur rreth orës 8:00, nuk ka të dyshuar, përcjell albinfo.ch.

Në vendin e ngjarjes ka dalë edhe kryeprokurori i Prokurorisë Themelore në Gjakovë, Ali Selimaj.

Sipas prokurorit Armend Zenelaj, me urdhër të kryeprokurorit Selimaj trupi i viktimës është dërguar për autopsi në Prishtinë.

Hetimet lidhur me rastin janë duke u zhvilluar.

 Të ngjashme

20 vjet pasi ka kryer një vrasje në Zvicër, kosovarit i jepet leja e qëndrimit

 Të tjera nga Kosova

Çmimet e karburanteve vazhdojnë të rriten në Kosovë, pavarësisht rënies së naftës në bursat ndërkombëtare

 E-Diaspora

 Jeta në Austri