Vokrri: Do të pyesim FIFA-n për lojtarët tanë

Kryetari i Federatës së Futbollit të Kosovës, Fadil Vokrri, së bashku me anëtarët e FFK-së ka mbajtur një konferencë, ku ka folur pas pranimit në FIFA, shkruan albinfo.ch.

Ai ka folur edhe për çështjen shumë të diskutueshme të lojtarëve shqiptarë.

“Sa i përket lojtarëve ju e dini që kjo është debatuar shumë edhe më herët, para pranimit tonë, se çka do të ndodh me lojtarët tonë. Ajo, kompetente është Komisioni për çështjen e lojtarëve të FIFA-së dhe ata sigurisht se do të dalin me një sqarim sepse ne që nga nesër ose për dy ditët e ardhshme do t’i dërgojmë një letër për sqarim dhe ata sigurisht se do të na drejtohen. Ekziston një rrezik nëse ne nuk reagojmë apo nuk pyesim menjëherë FIFA-në pas pranimit tonë, se si do të qëndrojë çështja e lojtarëve tonë, atëherë ata mund të bien një vendim i cili nuk mund të jetë i mirë për ne, sepse mund të na thuhet se ata kanë filluar të luajnë në Kampionatin Evropian.

Ne do t’i paraprijmë që t’i shkruajmë dhe të kërkojmë sqarim sepse mund të na thonë se pas Kampionatit Evropian ata kanë luajtur dhe nuk mund të kthehen”, deklaroi Vokrri.