Vlerat ushqyese të bananes dhe…

5 përfitimet shëndetësore

Banania, fruta e verdhë ekzotike jo vetëm që është e shijshme, por na ofron shumë më shumë përfitime shëndetësore nga se mund të kemi menduar. Një banane në ditë pastron organzimin nga toksinat, mban sytë të shëndetshëm, lëkurën e lëmuar dhe ju ngre humorin. Nëse mendoni se me kaq mbaruam, gaboni. Jo të gjithë e dinë se bananet janë të pasura me antioksidantë, të cilat ndihmojnë për të mbrojtur trupin nga radikalet e lira. Bananet forcojnë sistemin nervor dhe na ndihmojnë të humbim peshë më lehtë. Janë një burim i mirë i potasiumit, magneziumit dhe vitaminë B6. Një banane përmban 450 mg kalium, 30 gramë karbohidrate, 3 gramë fibra, 19 gramë sheqer dhe 1 gram proteina. Më poshtë dietologia Rolina Naço liston 5 përfitimet shëndetësore nga konsumi i bananes

– Një nga frutat me përmbajtje shumë të lartë në kalium (ndihmon personat që vuajnë nga hipertensioni).

-Parandalon depresion ose gjendjen e trishtuar, pasi përmban një sasi shumë të lartë në triptofan (aminoacid), i cili transformohet në seritoninë – neuroritrasmetuesi që na bën të ndihemi të lumtur.

-Një vakt ideal para palestrës.

-Të gjithë personat që kanë probleme me gastritin ose kane reflukse të shpeshta mund ta konsumojnë edhe çdo ditë për të balancuar aciditetin në stomakun e tyre, sidomos kur kalojnë orë të gjata pa konsumuar ushqim.

-Ndalon dhimbjen muskulore (tendinat e dëmtuara) pasi përmban një sasi shumë të lartë kaliumi (kripërat minerale ndihmojnë në largimin e dhimbjeve dhe në parandalim e këtyre kontraktimeve).

---